टोलको कविता

१. परमानन्द सरस्वती टोलको नाम हाम्रो

सबै जना मिलिजुली काम गरौं राम्रो 

२. बाहिरको फोहोर ट्र्याक्टर आइ लान्छ उठायर

किचनको फोहोर मल बनाउ सबै जुटाएर 

३. आफ्ना आफ्ना घर आँगन आफैं सफा राखौं 

बाटा भित्र पनि गरौं, बोट्बिरुवा सारौं

४. हाम्रो टोललाई चिनेका छन् गुरुजिका नामले

तेहि नामको इज्जत राखी काम गरौं हामीले

५. हजुरहरुलाइ बिन्ती गर्छु दुबै हात जोडि

सबै मिलि राम्रो बनाउ बिकाशको डोरि

६. पहिला थियो यहि बाटोमा गैंडा बस्ने झाडी 

अहिले हिड्छन यहि बाटोमा ठुलाठुला गाडी

७. मरिजाँदा लगिजाने हैनरैछ केही

भुमिदान गर्न सके लैजाने हो त्यही 

८. टोलको भवन बनाउन दिए भुमिदान

परिवारकै फोटो राखी लेखिनेछ नाम 

९. आफू मरि गयेपछी रमांँउछन अरु

पुस्तौंपुस्ता नाम आउला दान दिए बरु

१०. आज सम्म जे जस्तो भोग्दै आएंँ सब

दिदी बहिनी सबै संग बिदा माग्छु अब

११. यही सन्देश दिएकि छु मैले बारम्बार 

यति भन्दै बिदा हुन्छु सबलाई नमस्कार 

शोभा सापकोटा 

महिला अध्यक्ष 

परमानन्द सरस्वती टोल

शरद्पुर, चितवन

कोरोना कविता (Corona Kabita)

१. भूकम्पको क्षतिपूर्ति  अझै हुँदै थियो 

विदेशबाट कोरोनाको हल्ला आई दियो ।

२. विश्वभरी कति मरे कति क्वारेन्टाइन 

इश्वरको वरदानले हामी बच्न पाएम ।

३. नेपाल आमा मातृभूमि बचाऊ नेपालीलाई 

तिम्रो सेवा गर्छौं हामी शरणमा आई ।

४.  सरकारबाट हल्ला आयो बसौं घरै भित्र 

सारै डर लाग्दो रैछ कोरोनाको चित्र ।

५. मान्छेबाट मात्रै हैन पैसाबाट पनि सर्ने 

नयाँ रोग हो उपचार छैन तड्पिएर मर्ने।  

६. छोरा छोरी काँ'छन् काँ'छन् आफू  घरै भित्र 

बाहिर निस्कियो भेट्नु छैन कोहि इष्टमित्र ।

७. लकडाउनको पालन गरी बसौं सबै घर 

नेपालमै आइसक्यो लाग्न थाल्यो डर ।

८. सधैं यस्तो नहोला नि कैले सम्म हुन्छ 

लाखौँ लाख मरे भन्दा मन कति रुन्छ ।

 ९. बालवृद्धहरुलाई सर्छ भन्छन पहिला 

पुरुष भन्दा कमजोर हुन्छन धेरै जसो महिला ।

१०. सुन्नुहोला दिदीबहिनी सुन्नु दाजुभाई 

आफू पनि बच्न सिकौँ बचाउँ अरुलाई ।

११. बाहिर कतै खोज्नु छैन आफू भित्रै शिव 

शिव खुसि पार्न सके सुखी हुन्छन जीव ।

१२. मरी जाँदा लगी जाने छैन रैछ केहि 

हाँसीखुसी बाँच्न सके राम्रो होला त्यहि ।

१३. नारायणले लगाइदिनु कोरोनाको पार 

यति भन्दै बिदा हुन्छु सबलाई नमस्कार ।।

हजुरहरुकै  आफ्नै 

शोभा सापकोटा