१) २३ थरी मात्र फूल रोपेका छौं हालमा
सबै फूल सप्रेका छन् आफ्ना आफ्ना तालमा ।
२) धेरै रंगका फूलहरु फुली सकेका छन्
बाँकी फूलहरु कोपिला मै झुलिसकेका छन् ।
३) फूलहरुको मग-मग बासना छ मिठो
हुर्किदै छन् विरुवा त फक्रिदै छिटो छिटो ।
४) झल्की रहोस सदा हाम्रो सुन्दर फुलबारी
नओइलाओस् कुनै बोट मल जल पारी ।
५) विरुवामा कुनै रोग नलागोस है कहिलै
यहि कामना इश्वर संग जपी रहन्छु मैले
६) वासना छर्न सके कोशिस गराऊ सबलाई
दुर्गन्धले छोयो भने पिर पर्छ मलाई ।
७) साग पात तरकारी त राम्रो मुलावारी
बासना दार फूल फुलुन हाम्रो सुन्दर फुलबारी ।
८) रंगी चंगी फूलहरु उस्तै कोपिला नी
हरियाली रम झम देख्न राम्रै त होलानी ।
९) फक्रिदै छन् दशओटा बासनादार फूल
मलजल गोडमेल गर्नु छ है कसैले नी नभुल ।
१०) गर्न केहि सकिदैन माया बराबर
बुढेस काल लागी सक्यो सम्झ्यो चराचर ।
- राजेन्द्र प्र. सापकोटा
No comments:
Post a Comment